André Franquin naissèt en 1924 a Etterbek (Belgica).

Tre son enfància, lo dessenh compta fòrça per eu. Comença de trabalhar

en cò de Dupuis en 1944, que son amic Morris (lo paire de Lucky

Lucke) ie presentèt.

En 1947, tòrna prendre lo personatge de Spirou en dessenhant «Le

Tank» e «Les Maisons préfabriquées».

D'aqueu temps, fai fòrça dessenhs per mantun jornau e magazine.

Après 1949, se prendrà en carga la seria «Spirou e Fantasio», dessenh e

escritura, per la revista Spirou : istòrias completas, personatges divèrs.

L'univèrs de Spirou s'alanda embe de personatges excepcionaus : Comte

de Champignac, Marsupilami, Sécotine, Zantafio, Zorglub eca...

Entre 1955 e 1959, Franquin s'entrèva de «Modeste et Ponpon», qu'a creats per la revista

Tintin.

En 1957, per animar lei pajas de la redaccion, parèis un "eròi desobrat", que lo creèt André

Franquin, per lo dessenh, e Yvan Delporte, que ie balhèt una personalitat emb un nom :

Gaston, en sovenéncia d'un amic fòrça desgaubiat.

Gaston es convidat dins Spirou premier per una aparicion restrencha. Laissa de marcas blavas

un pauc pertot sus lei pajas e samena lo pati dins la redaccion. Es un succès. Gaston èra

pas estat conceuput per venir personatge de bendas dessenhadas. Pasmens, aurà sa seria pròpria.

Franquin, subrecargat d'òbras, dèu laissar d'unei personatges e istòrias. En 1968, fisa Spirou

au breton Fournier.

En 1972, inventa, per lei cubèrtas de Spirou, quauquei mòstres cascarins que saràn puei

acampats dins l'album «Cauchemarrant», que publica Bédérama en 1979.

Les Idées Noires son publicadas en cò dau Trombone illustré, en 1977 premier, puei

de Fluide glacial.

Embe l'atge, Franquin dessenha plus tant.

En 1987, lo Marsupilami aurà una seria sieuna, que dessenha Batem, sota l'agach de

Franquin per çò dei premiers albums.

Franquin passa en 1997. Non veirà l'edicion sota forma de detz-e-sèt volums dins l'òrdre cronologic,

encò de Dupuis, e dos volums

de dessenhs, oblidats ò abandonats

de l'autor, en cò de

Marsu-Productions.