Brigalhs mosaïcs

« La meuna memoria es un potz rovilhat : òc, aquò's aqueste potz roge, tot rosegat de rovilh e que se tròba sus la broa, a man dreita, quant agachas Postai, rendut foscpels romecs e las baucas envasissentas dins le camp deis remembres meus. E mentre que les romees reais -qu'autres còps l'amagavan-èran netejats, que le potz veniá vesible a totis, alara le potz roge s'enneblava, s'esvanissiá. Ara environat duna èrba rasa, s'i arrapava pas pus que fum, quant ièr encuèra escondut de boissons d'espinas, beluguejava coma un naut lòc. »