Luna albeghja

Mi n'arricordu...

Di a Luna fugnjiticcia

Appesa à i muli zulfiti

Di la brama primaticcia

Mi n'arricordu

Di li silenziu impatrunitu

Scioltu da la grillu in festa

È lu ciocciu intenneritu

Mi n'arricordu ...

È più ci pensu è più surridu

Cascami in fonte i basgi albegbji

Cum'è culombe da u nidu

Mi n'arricordu...

D'esse poc'avvezzu à parlà

Li to ochji pizzicanti

È di l'attrachju più in là

Mi n'arricordu ...

È mi s'arremba a dulcezza

In collu meu par ballà

Senza pur' mancu una certezza

Mi n'arricordu

Hè u batticore à scalinà

Ès'è pudia una siconda

Mi firmariu da brusgià