Eun hañvez a zehor. Takenn hlao ebed abaoe miziou. Ha n'eus kaoz a beb tu nemed euz brezel en Angola, euz dispah e Soweto. Morse ne oa bet kement a freuz hag a reuz wardro. Er harteriou du, en oll hêriadennou, trouz ha birvill gand ar re zu. Ankeniet ar re wenn: 'pad pegeid e chomfent c'hoaz ar vistri er vro?

Kared a rafe an Aotrou hag e wreg beva atao en eun enezennig wenn e-kreiz eur mor a dud du. Dispourbella a ray o daoulagad, pa welint piou a zo e penn ar re zu oh en em zevel. Umrewa hag ar paotrig Angabluso eo du o hrohen ive. Gwaz a ze dezo, pa damaller dezo beza lellig an Aotrou...

Diskar skrijuz an apartheid en eun atant euz Afrika ar Su.