Ar skrivagner pouezusañ hag e-touesk ar re founnusañ eus al lennegezh katalonek eo Manuel de Pedrolo (1918-1990). Desavet e oa bet en ur gêriadenn hag a vez graet L'Aranyó anezhi, ur c'hant kilometr bennak diouzh Barselona en diabarzhvro. E familh a oa a orin jentil ha catalanista . E-touez ar c'hant levr bennak bet skrivet gantañ e kaver oberennoù skiant-faltazi, barzhoniezh, prederouriezh, c'hoariva, romantoù-polis... Digor e tiskoueze bezañ da holl dachennoù al lennegezh hag an deskamant. Evezhiek e oa ivez ouzh buhez e vro hag ar bed a-bezh.