Daou vil tri c'hant vloaz goude Platon en doa skrivet Kostas Varnalis (1884-1974) « Amzifenn Gwirion Sokrates » ma weler ar prederour meur o vreutaat dirak e varnerion kent bezañ kondaonet d'ar marv. Disheñvel ton ha pal an daou skrid. Gant goap ha droukfent Sokrates e wisk Kostas Varnalis prederioù e amzer hag e vro, re ar galloud hag an demokratelezh. Dre zimeziñ ar c'hoarzh hag ar preder e ra al liamm etre an hen amzer hag hon hini.