Levr ar janglenn

Brudet dre ar bed a-bezh eo penndudenn Kipling, Mowgli, ar Bugel-Bleiz - pe ar Bugel-Den, diouzh savboent ar Bleizi - deuet da vezañ pimpatrom ar « vugale ouez » dizoloet - mojenn pe wirionez ?- gwech-ha-gwech all e biojoù digenvez hon planedenn.

Anaout a reer ivez mignoned Mowgli : ar bleiz Akela, ar banterenn Bagheera, an arzh Baloo, hag e enebour, Shere Khan, an tigr fallakr. Dizoloet e vo amañ Rikki-tikki-tavi ar mong, Toomai, ur paotrig ken dispont ha Mowgli ; ha setu ma vo kaset al lenner pell-mat diouzh India, da heul Kotick, ar Reunig Gwenn !