Deuz Kleder e oa an eskob Visant Fave (1902-1997), ha bevet e-noa e yaouankiz d'eur

mare ma oa c'hoaz ar brezoneg en e vrud, da lavared eo e-tro ar brezel-bed kenta.

Maget e oa bet gand Feiz ha Breiz, ha beaji e-noa greet dre ar bed pa oa bet karget

gand an eskopti deuz an darempredou gand ar visionerien. Anaoudegez e-noa eta

deuz sevenadurez ar geiz e meur a vro, Breiz hag all. Amañ e kinnig deom Jean-Claude

Miossec ar hrennlavariou, ar rimodellou hag al lavarennou bet dastumet gand Visant

Fave. Renket int bet hervez an danvez, ha bez' ez int eun testeni berr deuz sevenadur

ar mêziou e Breiz en XXved kantved : spered ar Vretoned a gaver e-barz, hag o fleg da

hoari gand ar yez, ha da dreuzkas furnez evel-se. Ra vezo al leorig-mañ eun alhwez

hag eur sikour evid ar re a zo o teski ar yez !