En aquestas tres novèlas de J.M.G. Le Clézio, lo personatge principau, un mainat o un adolescent, que romp per un temps dab la soa vita de tot dia entà har ua experiéncia qui s'aparenta a un rite de passatge e qui'u hè esprovar un sentit de fusion quasi mistica dab la natura qui l'entorneja : Lullaby, qui a decidit un matin de non pas anar tau licèu, que pren lo camin deus contrabandèrs qui cor lo long de la còsta ; Gérard que s'entercola per un trauc de la murralha e que penetra dens lo casau sauvatge de la misteriosa villa Auròra ; Jon l'islandés que dèisha la plana e la borda deus pairs tà escaladar ua montanha estranha.

Escrivuts en ua lenga tot au còp epurada e musicau, aquestas tres novèlas que's poderàn léger shens dificultat pe'us qui començan d'apréner lo gascon, autant mei que seràn ajudats per notas de vocabulari numerosas hicadas en baish de pagina.