Criatura nata da nimu è allivata par Bartulumeu, disartore cuntumace, Bastianu scopre a so dignità d'omu, ghjirendu e sette chjappelle per imparà l'arte : tornu à tornu ellu face da pipaghjolu, stazzunaghju, cultillaghju, carbunaru, vignaghjolu, sellaghju...

Da a Balagna à u Cruzinu, da a Cinarca à l'Alta Rocca,... Bastianu fughje e mughe di a so zitellina, frà tutte u pinsiracciu d'una vindetta, è cerche u visu di Vannina, u so amore sparitu.

U so ùltimu incàricu di Paciaghju, u face andà pà i paesi per dì a pace à quelli chì pudarìanu pèrdela.