Ma, sai ?

Masai (ma, sai ?) hè una cronaca quotidiana chè vo pudete sente nantu a Frequenza Mora, a mane à ottu ore menu cinque.

Senza pretensioni altre chè di parlà un paghju di minuti à l'auditori di a vita chì, passendu, ci pó fa ride, minà un pattone o purtà à riflette.

Ma tuttu ùn si pudia edità. Ciò chè vo videte o sentite in issu librettu hè una scelta arbitraria, fatta nant'à i duiecentu testi di a prima annata di diffusione. Ci vulia un principiu.

Infine, sappiate chì a quarantina di cronache di issu librettu accumpagnatu di dischi, ghjè a ripruduzione esatta di ciò ch'hè statu mandatu in onda nantu a Frequenza Mora.