U prublema di Narcisse

Narcisse ( à corri corri daretu à sè stessu ). - Ma induve saraghju passatu ?

In giru à Sisifu

Una donna ( amabile ). - Vi vene megliu à collera o à fallera ?

Un impiecatu di a DDE ( pensosu ). - È insiste !

Ghjacumu Thiers ( rumanzeru ). - Ghjè una storia chì ùn riesce à smarrà.

Un zitellu ( à a finestra ). - O mà ! Hè ripassatu !

A mama . - In chì sensu ?

U zitellu . - À l'inghjò !

A mama . - Spinghji puru u gaz. A suppa hè cotta.