Ogni tantu facìa un muvimentu scuntrullatu. Stringhjìa in a so manu a pàgina di un quatemu di scola basi vèrgine è a stracciava à pezzi è à bucconi prima d'arrizzà si è di fà passi è veni in a stanza, parlendu à voce alta una stonda. È po s'avvidia di a so cundotta tonta è tandu si pusava dinò è, mursichendu si e labbre, capizzava è rifiatava per ritruvà a calma è impastughjà a so mente à a realità. Un pudia tene cusì dui minuti sani fin'à ch'ella vultessi senz'astru quellu odore di u sangue siccatu.

Quessu l'odore, stava per amparà la Ghjuvanni, ùn sparisce mai. S'appiccica à a mente cum'è a pece nantu à i panni. Si piatta ind'è u ventu di u ricordu è, spessu spessu, e sere di solitùdine è di tristezza, toma à quellu chi l'hà annasatu una volta sola è ricummencia à stuzzicà li di rimorsi è di rigretti.