Anzi yan wanaw sg wanawn n tskla taγrfant zund tinfusin, umiyn, timdyazin, timnaDin, tiyffarin, tinqqisin d timzuzzar...

imrra bahra ad nssusn anzi, minzi ggudin isussnn n imrza, ku yan da t issisin sg ca tγmRt, nγd sg usmuqql immzlayn xf wiyyaD gunck iZRi nns abistimuluji. afisuf amqran ARiSTuT (Aristote) inna aγ is d ismrsn n unzi gan umsiyn iγiy ad ig taga, nγd tangalt niγ tawngimt tamarayt. Anzi yat n twila tutlayant nna da ittbabban tamzzuyt d tumayt n tγara, yat n tnfalit n tmzzuyt taγrfant nγd yat n tidt n tirmit tar imili. inzan yan ukus aγrfan s umata gan izaykutn ar ttmuttuyn s umilaw sg tsuta γr tayyaD. Lḥusayn jihadi ubaεmran ( Jihadi El Houssain ) da issisin anzi sg tiγmrt tamzruyant ar ittini is d inzan : « gan tagrayt n uswngm immaskam n tagayt iga altu abaynu n tγrma nns s yils n ugdud nns, d tisit n tmTTi nns ssis as da issakud ugdud i umzruy d tγrma nns s wawal aqurar, da gis ittafa imrzi tawlaft inmdan s yils aγrfan yuran sg tikuyay.  »