Ar garantez, ar "stourm", ar vuhez en Arvor : setu aze temou

kareta Mikael Madeg. Eur hweziadenn bennag anezo a vo

kavet bepred e danevellou al leor-mañ. Diseurtoh int avad

eged d'an ordinal.

An darempred a-bell etre daou vreur. Prederiou pemdezieg

eur helenner, an deveziou ma vez e skolidi o vanifesti. Unan

klañv o sevel eur voger tro an ospital m'eo bet digaset

ennañ da beurbarea. Soudarded yaouank frigaset ha dihastet

gand ar re a zo a uz dezo. "Bizmeud" o foeta bro kement

ha ma hell...

Skriva lennegez evitañ a ra Mikael Madeg, emezañ. Skriva a

ra ive evid plijadur e lennerien.

Pevarzeg danevell a zo en oll el leor-mañ, ha bez' ez eo

"Pemdez - dibemdez" an eizved dastumad gand Mikael

Madeg.