Sklaer an traoù evit Fañch ar Peru. N'eus kozhni ebet ennañ. Nag en e selloù, nag en e vousc'hoarzhioù, nag en e bluenn. Diwar lenn Lomm an touller, Pardon hag adpardon, Tren nav-eur-ha-kard, Tarined, pabored hag oristaled, Lanleger e kañv hag all, e komprener diouzhtu n'eo ket ur galon baper a zo o lammat e bruched hemañ. Unan kig ha gwad ne lavaran ket. Ur galon digor ivez hag a oar tridal kreñv gant levenez pe c'hlac'har e nesañ.

Yann-Ber Piriou