Que hè hred. Mensh vint !

Mes qu'a en pòcha un papèr grossièr

un tròç de tison enqüèra qui carboeja

e deu vent deu nòrd que se'n trufa

que's boha sus los dits amorres

e dessenha ua flor d'arríder

o un vèrs hòu e mau conhat.

E atau que hès còrda dab tots los ignorats

tots los valents qui ploran mes pèhreman

qu'ès lo malhon qui non sautarà pas

dab Pau Froment qui partí a vint ans

dab com linçòu lo Ròse.

Òc. La cadena hòrta

Se un malhon e's cara

tots los autes que tringlan !