Es una drola d'istòria en un pais estrange.

Li era una fès, en un mounastèri de Laghet proun nòu

(es en lou 1652 que si debaneron lu miracle que

susciteron la siéu coustrucioun) servit da l'ordre dei

Carme descaus, un segne-abbat malurous, un fraire

bimbàrou, un enquestour fùrbou que lou dihon

Inoucent, un bambin Jesù en or, de pelegrin eterouclìtou,

d'esvòtou emprouvis, una princessa misteriouha e,

luen, un duca de Savoia vedetous. Li soun finda

d'escac, un miracle e una Venus.

Despareisse lou bambin Jesù.

L'aurìon raubat ? E siguesse, qu ?

Es una drola d'istòria en un estrange paìs, aquéu paìs

qu'es la nouòstra countéa e doun, en lou XVII^e

sécoulou, un Savouiart parla lou francés e l'italian mà

noun capisse ben lou nissart en plassa que lu Nissart

parlon lou nissart e capisson l'italian e lou francés e un

Francés que noun vòu parlà que francés.

Mà dóu bouòn, es un'istòria proun estrangia en un

drole de paìs !