Al nun de Deu, qui od nus seit,

e qui sa grace nus enveit,

voil en romanz mettre en escrit,

si cume li livres le nus dit,

en remembrance e en memoire,

"Des peines del purgatoire"

k'a seint Patriz volt dels mustrer

le liu ou l'om i deit entrer.

Un prosdom m'ad peça requise,

pur ço m'en sui ore entremise

de mettre mei en cel labur,

pur reverence e pur s'onur ;

e si lui plest, e il le voille,

k'en ses bienfaiz tuz jurs m'acoille.