E víver

Nascuda dins Tarn e gersesa d'adopcion, Fabienne Vayrette n'a pas ua « lenga de popa », coma se ditz. Nada hada ne s'ei clinada suu son brèç e pas digun ne l'i a passada. Qu'ei atau. E atau qu'ei. L'occitan, dialècte gascon, se l'a causit e l'a après (CFPÒC e Collègi d'Occitania).

Tot prumèr l'a cantat e mesclat au cabile de la sua amiga Amel Rekkhis dins lo duo « Las Hilhas deu vent ». E puish l'a escrivut. Contes peus mainats (disponible a gratis sus internet) e ara aqueth recuelh de novèlas.

Los personatges, mei que mei hemnas, que'us coneishetz. Los contrapassatz dins lo vòste barri o a la tele, lo temps deu jornau deu ser. Emplegada d'un musèu, joena diplomada japonesa, vielh òme ucrainés o ecoactivista, totas e tots que hèn cap a la vita e lutan, damb coratge e determinacion. Quan seré d'adobar la realitat. A la lor mòda.

Pr'amor víver, qu'ac vòlon. Hòrt.