Paulet le Cleroun, que cal pos counfoundre ande Paulet de

Labardailho, s'en anabo tranquilloment e bien un broc à la

ma e un escabot d'auquetos al dabant.

- He ount las menats, Paulet ? i demandabon graciousoment

les passans.

- Las meni à l'auberjo, ça respoun l'ancien souldat, autroment

dit : al riu !

- Prenets gardo qu'attrapen pos la mounino, ça marmusec

Marcel, un droullot pla escarabillat que s'adescoutabo.

Bertat, mous amits, que las gens de la campagno, toutis

groussiès que paressen, an autant d'esprit calquo cop que les

francimans pla sapiens de las grandos escolos ?...

Françoun-Madeloun se bouto en quatre e mêmo en sieis

per sapie ço que soun debenguts les sius tirous ; les serco al

riu, al prat, al bosc, al camp, res enloc. Malpriuoï... oun

poden esse ?... Les demando à Jean, à Janot, à Janeto e à

Janetoun, digus nou n'a ausit parla...

- Garats que les abets à l'escolo !... ça i dits la petito

Finous.

- A l'escolo ? bolen dounc ana aprene l'alphabet ?

- Se pot pla, respoun le moussu del castel (un latinisto)

que passabo, d'ancien tens les escouliès, les aprenedisses e

toutis coumençans s'appelabon tiroues... se pot pla qu'es

d'achi que sort le mot de tirous. (???)

Janot del Col-del-Fach.