Ganet e Roazhon e 1921, en deus Per Denez desket brezhoneg pa oa krennard.

Pa oa gant e studioù war ar saozneg ez eas da Aberdeen kent bezañ anvet da gelenner e Périgueux, war e bost kentañ. Kelenn a reas goude-se e Kemper hag e lise Douarnenez, bro e wreg.

E 1954 e krouas gant Arzel Even ar gelaouenn yezhoniel Hor Yezh.

Goude kinnig un dezenn-Stad diwar-benn yezh Douarnenez e voe galvet da Skol-Veur Roazhon da gelenn brezhoneg. War un dro gant e studierien hag e studierezed e c'hounezas an aotreegezh brezhoneg e 1981.

Skrivet en deus kalz a zanevelloù hag ivez romantoù.