El levrenn-mañ ez eo deuz bugale zo kaoz. Tud vraz o

kaozeal diwar o fenn, ha bugale o lavared o ger d'o zro,

krenn-ha-krak. Ha keuz on-nefe ni tud vraz beza ar pez ez

om, da lavared eo, bugale goz ? Marteze a-walh, pa lenner

bommou zo amañ !

Skiant on-eus prenet sañset, ha gand pehini 'oa or soñj pa

oam-ni bugale, ma ne oa ket "dond braz" ? Ken diêz e vez,

gwechou zo, beza an hini bihanna, na hell ket ober diouz

e benn dezañ e-unan, ha rankoud mond da heul !

Memestra : fazia on-nefe greet, ha kompren re ziwezad ?

Pas, rag en eur zelled ouz ar vugale hizio, pe en eur gaoud

soñj euz re wechall, e komprener penaoz ne vez ket re

ziwezad jamez evid tenna gounid deuz ar vuhez evel

m'ema, goulennata anezi, briata anezi, ha n'eo ket tamall

outi nompas profa deom on huñvreou. Prest oh da zond

da zevel kestell-trêz pe da lammad er poullou-dour ?