Pour son image avoit en une platine d'or pesant soixante et huyt marcs, une figure d'esmail competent : en laquelle estoit pourtraict un corps humain ayant deux testes, l'une virée vers l'aultre, quatre bras, quatre piedz, et deux culz telz que dict Platon in symposio, avoir esté l'humaine nature à son commencement mystic. Et au tour estoit escript en lettres Ioniques :

H AGammaaPih oUpsilon zhtei ta eaUpsilonthSigma

Pour porter au col, eut une chaisne d'or pesante vingt et cinq mille soixante et trois marcs d'or, faicte en forme de grosses bacces, entre lesquelles estoient en œuvre gros Jaspes verds, engravez et taillez en Dracons, tous environnez de rayes et estincelles, comme les portoit jadis le roy Necepsos...

François Rabelais, Gargantua, chap. VIII