Ganet ha bet o tremen e vuhez e bed ar brezhoneg, ez eo bet Yeun ar Gow (1897-1966) unan eus hor barrekañ skrivagnerien. E oberenn wellañ a zo « E Skeud Tour Bras Sant-Jermen » : enni e tispleg doare e yaouankiz. Gant « Marc'heger ar Gergoad » e ro deomp Yeun ar Gow ur gontadenn par d'ar re bet dastumet gant Fañch an Uhel ha Gab Milin : displeget en ur yezh flour, reizh ha pinvidik, e vo un dudi d'an holl.