"Soit bien affaittié et cuit en vin et

en esve. Puis le tirez hors du boullon sur

une belle nape pour esgoutier quant il

sera bien cuit. Prenez espices -gingembre,

canelle, clou, graine, saffren, espicq,

garingal- deffaitt de puree de pois. Mettez

tout boullir ensamble. Et se vous veez

qu'il soit trop espés, sy le coulez devant le

feu. Puis dreschiez vostre grain en plas

bien clers et luisans, et jettez par dessus

chaudement. Puis assez vos plas en lieu

froit sur le bel sablon. Aucun y mettent

des amandes pelleez et des petittez foellez

de laurier doreez et argenteez, et en

servent comme d'un entremés.