Le Congié d'Amours

Manuscrit Paris, Arsenal 3523

En ce temps de joyeulx esté

Que Phebus est en sa haultesse,

Amours, pour sa joyeuseté,

Me retient a court de liesse,

Et ma donné de sa noblesse,

Dont humblement le remercy,

Une gracieuse maistresse

Ou j'ay trouvé don et mercy.

Elle est de beauté nompareille,

Gente, jeune oultre mesure,

Yeulx rians et face vermeille,

Oncques ne vis telle figure

A descripre sa pourtraiture

Fault mon sens et entendement.

C'est la plus belle creature

Qui soit dessoubz le firmament.