Gab Milin, ha n'eo ket bet brudet evel ma tlefe bezañ, a zo bet unan eus hor gwellañ dastumerien kontadennoù en XIX vet kantved. Un nebeud eus e varvailhoù, evel ma lavare, en deus embannet, peuriiesañ gant un droidigezh e galleg. An darn vrasañ anezho, avat, a zo chomet e stumm domskridoù, diaes da lenn, ken munut eo ar skritur chouket war gozh follennoù troc'het diouzh marilhoù e vurev. Rak ur garg dister a sekretour a oa gantañ er verdeadurezh hag en toull-bac'h e Brest. Ar c'hontadennoùse hon eus c'hoant da ginnig d'ar vrezhonegerien da lenn. Ul lod anezho a vo kavet el levr-mañ. Ul levr all a vo.