Èra lo promier còp.

Lo promier còp que leis òmes, dei terranencs, picavan sei piadas dins la poussa d'estèlas dau sòu d'una planeta inconoiguda, de segur verge esconduda au fin fons de la galaxiá dau Camin de Sant Jaume. Un còp de mai, lo « passet » (benlèu un de tròp ?) deis espacionautas èra vengut un passassàs per l'umana raça. L'aviá ja fòrça fòrça temps que lo promier s'èra enfugit de tota la fugidissa memòria deis plantigrads pensants « sapiens-sapiens-gaire. » M'enfin, coma se disiá encara a la debuta dau sègle escur XXI^en...