Oubi, brabos persounos que lejires aqueste librounel, aban d'ana pus len arrestasbous aisi dos menutos.

Per tout l'arjen d'Albi, coumo se dis, boulrio pas escandalisa degus. Et coumo n'i a dabegados que s'escandalisou sans cap de rasou, lour me cal dire so que n'esto.

En prumieiro, lou patouès et lou fransimen òu pas las mêmos leis.

Lou fransimen, ta grelat que siago, cal que s'abilhe à la moussurenco coumo'n parruquiè de bilo que ba dins un palais rasa lòu Moussu ou coufa la Madamo. Mêmes quand a pas afa qu'anbe de paure mounde coumo nautres, lou fransimen nous diu parla dins soun sicut et noun pas dins lou nostre .