"Vérité est qu'entre le duc Louys

d'Orléans, frère au roy Charles, et le duc

Jean de Bourgoingne, son cousin germain,

y eut par pluseurs fois grandes envies et

maltalens eux deux ensemble, et dont y

eut grosses assemblées de chascune partie,

pour paix trouver ; et pour ce receurent le

corps de Nostre Seigneur ensemble, pour

plus grande fiance avoir l'un à l'autre : et,

comme il fut depuis apparent, la paix n'y

estoit mie, car par la congnoissance du duc

Jean de Bourgoingne, il fit tuer ledict duc

d'Orléans."