Laeoù

Marie de France

« Diwar ar marvailh a gontin deoc'h o deus Breizhiz savet ul lae. An Eostig eo anvet, a gredan, setu penaos e lavaront en o bro... »

Boemet e oa bet Marie gant marvailhoù Breizhiz, ken e savas diwarno pezhioù barzhoniezh a ginnigas da roue Bro-Saos. Ar pezh a ziduas ar roue hag e lez nav c'hantved 'zo a ro kement a levenez d'al lennerion a vremañ. Ha dimp-ni, Breizhiz an 21vet kantved, e tegas un heklev birvidik - ha dibriz - eus hon lennegezh dianket.

En eil hanterenn eus an 12vet kantved eo e veve ar varzhez vrudet Marie de France An darn vrasañ eus he buhez he deus renet e Bro-Saoz. He Laeoù he deus savet e romaneg, evit ar roue hag e lez, a oa galleger d'ar mare-se.