Que i a en los Pirenèus, un sarròt de legendas pròpias de cada parçan de la serralada. Que tornam víver las de Catalonha, deu Comenge, de Bigòrra, deu Bearn e deu Bascoat, en aqueste liberòt qui ei l'arrevirada de Légendes Pyrénéennes publicat en 2004. Aquesta traduccion, hèita en purmèr per l'autor, qu'ei estada arrelejuda e melhorada per un tribalh hèit amassas dab Gilabèrt Narioo, la referéncia plan coneguda qui òbra desempuish mei de trenta ans a la renavida de la lenga nosta. Atau, los libes de Marcel Abbadie publicats en francés e arrevirats en gascon, que pòden estar, qu'ac esperam, en mei d'ua lectura agradiva, apèrs pedagogics entà'us qui vòlen apréner la lenga nosta.