D Belɛid At Εli, d Mulud Ferɛun, alama d Dda Lmulud At Mɛemmer d wiyid nniden i yessan adda n uzgar n tsekla taqbaylit seg timawit ɣer tira. Sliman Zamuc , deg wamudagi ines «  Tislit n unẓar  », yessaweḍ ad yezdi ayen i d-tegmer tmeẓẓuɣt d wayen yyedder. Adlis-agi deg yisebtar-is imezwura, yezmer ad iger imeɣri deg tmurt n tirga yeqqnen ver etti taqbaylit. Ad yinig d yimeɣri s tutlayt d tamerkantit d waṭas n tewsatin s wudem amaynut. Deg-s ad tafem azday n tallit tamirant ɣer tmucuha d tenfusin tiqburin n tefriqt n gafa. Ullis-a ad yeqqen gar wayen swayes ttamnen wat zik d liman nsen s tneslemt n tefriqt n ugafa yexdan tiṭṭurfa. Tislit n unar, am tqettunt n yijeğğigen, ɣas ma ccbaḥa nsen tufrar, zzinasen yisennanen seg yal tama, kra ssurugen-d ssem, kra d lehnana, yal ajeğğig s yinit-is, yal wa s tfenda-s. kra mɣind deg unebdu, kra deg tegrest, wa deg uzaɣar, wwa deg udrar. Llan wid i dyefsan i tafat, lian wiyid i tallest. Yal win ara t-yeɣren, ad yefren ijeğğigen-is akken i ten-iwala d wamek iḥus yis-sen. Syin ad as-id-tban teslit n unẓar s ccbaḥa-s.