Ramòn aviá botat esper dins lo filh e los cavalièrs que devián manténer fe, tèrra. En el tanben que botava fuòc de totes los costats. Lo presonièr dels turcs se pensava que, venguda l'ora, trapariá lo temps d'escriure los trabalhs grands. Ara son pas qu'istòrias falsas e plan tròp longas.

Òme amb filh a sa semblança, aital femna desama mai filha que filh. Mas filh, bota! Trapa lo fusilh que servís pas de tròp d'annadas e, ferotge salvatge, bota òrdre al revèrs. Segut al canton de l'escalièr, la culassa del fusilh, clic clac, sens cartocha, e pasmens podriá plan anar per las carrièras de la vila poblada de los qu'an fugit e que son tornats. Del costat del castèl, la batèsta aviá daissat còrses macats e tròp longtemps demorats al solelh.