Da heul ur bellgomzadenn dic'hortoz digant e vignonez

kozh Rachel e tistro Ludo war lec'hioù e garantez aet da

vruzun. Etreze o-daou e ren c'hoari skoemp hag arvarus ar

vemor hag an dazont o tegas tro-ha-tro nesaelezh hag

eneberezh. E-keit ma vez an den yaouank o livañ tresoù ur

vuhez nevez diwar e eñvorennoù, plijus pe boanius e

vefent, e chom ar vaouez sac'het e lagenn hec'h amzer

dremenet. Etre lusk ar gest ha touell ar milendall.

Genidik eus Douarnenez eo staliet Mich Beyer e Menez Are abaoe un toullad

mat a vloavezhioù. Goude bezañ bet skolaerez gant Diwan eo aet war ar

vicher stummerez evit an oadourien. Skrivet ez eus bet ganti romantoù polis

(evel rummad ar "Pennoù Koltar") ha kanaouennoù evit ar vugale, hag un

nebeud danevelloù.