Aber ar Gwaien... ur gweledva dispar... hag, er ganol dre izelvor, abaoe mizioù ha dindan forzh pebezh amzer, e ya an den war-raok, goustadik, o reiñ d'e damouez aourer luskadoù anavezet gant den ebet paneve ar wir glaskerien-aour. Met hemañ, diseblant ouzh goapaerezh ar bonterien, a c'hortoz e zigoll, ha... c'hoarzho mat an diwerzhañ c'hoarzher...

Ur vaouez yaouank o kuitaat he bro evit achap diouzh he gwaz feuls... Unan all evit klask labour e Pariz hag o kouezhañ etre krabanoù un houlier... Ur paotrig maleürus dre ziouer a garantez-mamm... Karantez kentañ ur c'hrennard a bevarzek vloaz...

Tu d'al lenner da gejañ ouzh tud ar vro gant planedennoù disheñvel an eil diouzh egile, ur veaj en amzer eus deroù ar c'hantved diwezhañ betek hiriv...