Strada bona un fu mai longa. Quidda di Francescu Micheli Durazzo fù di `ssi camina chi francanu i muntagni è... u mari. Sciutu ghjòvanu ghjòvanu da u so rughjonu di u Sartinesu - Campumoru - trent'anni fà, hè a lingua chi u feci supranà a luntananza. A lingua sepulta in u tarriciu di a so menti, chi ricuddaia pianu pianu da culandi'ddà pà cantà è chjamà è dì. A puesia, quandu s'incontrani a lingua è a cunnniscenza di u mondu, porghji fiori strani è vicini. A puesia quandu si ghjunghji à u limitu di a rialtà - u «Finitarri» - si sparghji tali milli steddi !